Група средношколци од Србија деновиве во Дојран беа гости на една од фармите за производство на органски бадеми и беа вклучени во нивната берба.
Покрај практичната работа на органски овоштарник, учениците од Србија имаа можност да следат и теоретска обука преку едукативни сесии водени од нивниот домаќин, Димче Балески.
Балески важи за еден од пионерите на органското производство во Македонија.
Средношколците од Србија во Дојран поминаа скоро две недели, искористувајќи ја можноста да ги посетат позначајните знаменитости на Дојран и околината.