Осумдесетипет годишен старец бил измамен од страна на непознато лице, кое му ја одзело целата пензија под изговор дека била направена грешка во банката од каде старецот ги подигнал парите.
„Вчера во полициска станица Гази Баба Љ.М.(85) од Скопје пријавил дека околу 09.15 часот на улица “Маџари” од страна на непознат сторител извршена му е измама, со што сторителот се стекнал со противправна имотна корист од 18.300 денари“, информираат од МВР.
Измамникот ги зел парите и му рекол на старецот да го почека за да ја поправи грешката во банката и дека ќе се врати, но тој не се вратил.
Се преземаат мерки за расчистување на случајот.