Опозициската Алијанса за иднина на Косово на Рамуш Харадинај не постигна догвоор за влез во владејачката коалиција со Демократската партија на Косово, чиј лидер е премиерот Хашим Тачи.
Во соопштение од Алијансата се наведува дека денеска се сретнале делегации на двете партии предводени од лидерите, но не е постигната согласност за влез во коалицијата.
Алијансата прифаќа учество во коалицијата доколку добие премиерско место за Харадинај, додека ДПК не се согласува.
– Како опозициска партија, Алијансата ќе ги искористи сите политички механизми за подобрување на условите за живот на граѓаните и создавање поволни околности за Косово за да се обезбеди долгорочна политичка и економска одрживост на Косово, се вели во соопштение од партијата.