Американската амбасада во Тирана од вчера е под засилено безбедување, јави дописникот на МИА од Тирана.
– Кусо по експлозијата во американската амбасада во Турција, полициската Управа на Тирана, презеде итни засилени мерки за обезбедување на американската амбасада со големи полициски сили од секторот за јавна безбедност, пренесува весникот „Газета шќиптаре“.
Полициски патроли, нејзините специјални единици ја имаат опколено амбасадата на САД.
Максималото засилување на безбедувањето на амбасадата е по иницијатива на албанската полиција, од каде потврдуваат дека состојбата е мирна.
– Без оглед што имаме мирна ситуација го засиливме обезбедувањето. Ова го правиме по наша иницијатива, изјавиле од албанската полиција.
Во меѓувреме нападот врз амбасадата во Турција го осудија албанскиот државен врв како и лидерот на опозицијата, Еди Рама.