Командантот на КФОР Фолкер Халбауер денеска изјави дека КФОР ќе реагира доколку некој се обиде га ги наруши мирот и безбедноста на Косово, без да нагласи за евентуално новата акција во северниот дел на земјата.
На прашањето дали КФОР ќе ги отстрани новите блокади кои Србите денеска попладне ги поставиле на автопатот Приштина-Рашка, тој одговори дека нема да зборува за оперативни детали.
Командантот на КФОР нагласи дека оваа меѓународна воена мисија ќе ги преземе сите потребни мерки за зачувување на мирот и безбедноста.
Халбауер апелираше до сите да се дистанцираат од насилни акции и да ги остават политичарите да ги решаваат отворените прашања.