Една од повредените во синоќешниот инцидент во Пробиштип е пренесена во болницата во Штип со скршена нога. Повреденото девојче по укажаната помош во мединцискиот центар во Пробиштип е пуштено на домашно лекување. Денеска советниците од опозицијата демонстративно ја напуштија седницата на советот бидејќи мнозинството и градоначалникот не сакаа да расправаат за синоќешниот настан кој беше осуден од целата македонска јавност.
Синоќа на протестот на опозицијата во Пробиштип, близок човек на градоачалникот на Пробиштип, кадар на ВМРО-ДПМНЕ, Синиша Тимов познат како Суљо со Сеат Кордоба, влетал во групата луѓе кои протестираа против власта.
Со возилото повредил неколкумина, а едно девојче и жена беа пренесени во болницата.
Револтираните граѓани се собраа пред општинската зграда и бараа да разговараат со градоначалникот, бидејќи тврдеа дека добро му е познат насилникот, бидејќи, според граѓаните сите бизниси, првиот човек на општината ги водел преку него.