Владата на Република Македонија денеска попладне ќе одржи седница на која ќе ја разгледа информацијата за измени на Програмата за конкурентност, иновации и претприемништво за 2018 година и Предлог-програмата.
Во областа на здравството ќе бидат разгледани Предлог-решението за национален координатор за трансплантација и информацијата за доделување на повеќегодишен договор за јавна набавка и акциски план за реконструкција, пренамена, адаптација и доградба на Општата болница во Кичево, втора фаза.
На дневен ред на 78. седница се и извештајот за реализација на оперативниот план на активностите за имплементација на Националната стратегија за изедначување на правата на лицата со инвалидност за 2017 година.
Пред членовите на Владата ќе биде ставена и информацијата за потпишување спогодба меѓу македонското и српското Министерство за земјоделство, шумарство и водостопанство за фитосанитарна соработка.