Борис Давидов, поранешен лидер на лозарите од Кавадарци денеска ја најави својата кандидатура за градоначалник.
Тој информира дека набргу ќе достави и советничка листа.
– Предизвик за моето кандидирање за градоначалник се најновите случувања околу лозаропроизводството, состојбите во малото стопанство и занаетчиството, невработеноста и губењето на работни места. Мислам дека на Кавадарци му треба личност која се докажала и во работата во служба на државата и образованието, приватниот бизнис. Моите искуства сакам да ги вложам во доброто на кавадарчани, нагласи некогашниот претседател на регионалниот Сојуз на лозари.