Поранешниот прв светски рекет Новак Ѓоковиќ изјави дека оди на Вимблдон со цел да го освои престижниот турнир.
– Во добра форма сум. Кога веќе одам на Грен слем, целта е да го освојам, а не само да се појавам. Постепено се враќав во ритам и мислам дека сега сум на едно ниво кое ми дава шанса за успех. Имам големи цели и мотиви, истакна Србинот.
Ѓоковиќ утре во 1.коло на Вимблдон се среќава со Американецот Сандгрен.
Српскиот тенисер нема титула повеќе од една година, но зад него е сезона во која се соочи со повреди и подолго отсуство од терените.