Кошаркарите на второлигашот Карпош Соколи со 62:60 ја совладаа Струмица во еден од двата натпревари од осминафиналето на Куп на Македонија одиграни вчера.
На натпреварот одигран во СЦ „Борис Трајковски“ струмичани имаа проблеми со реализацијата, но и со организацијата на нападите, завршувајќи го првото полувреме со само 21 постигнат поен. Соколи, предводени од новото засилување Ѓорѓи Талевски и Ангел Тасевски на полувреме заминаа со предност од 9 поени (30:21), но гостите до крајот успеаја да намалат и со поволен резултат да го чекаат реваншот во Струмица.
Натпреварот во Битола помеѓу Пелистер Спорт и Вардар беше исто така неизвесен во целиот негов тек, но и заврши нерешено 69:69.
Вечерва од 20 часот и 30 минути ќе се одигра и последниот меч од првата осминафинална фаза, во кој Апаве ќе го пречека Работнички.
Реванш натпреварите ќе се одиграат следниот викенд.