Во соработка со општинскиот Црвен крст и кабинетот за трансфузија од Гевгелиската болница, Фондацијата „Аполонија“, денеска по 15-ти пат успешно ја организираше традиционалната крводарителска акција во која беа собрани рекордни 60 единици крв.
Од 2010 година до денеска, оваа хумана акција фондацијата редовно ја организира два пати во годината, а освен вработените од фирмата која е сопственик на фондацијата, годинава прв пат во акцијата се вклучија и вработени од други локални фирми како и граѓани кои стануваат редовни крводарители.