Собранието на Република Македонија на денешното продолжение на 52. седница ја донесе Националната стратегија за развој на културата за 2013-2017 година и ја усвои Годишната програма за работа на Агенцијата за електронски комуникации.
По ова седницата беше прекината поради тоа што во 13 часот седници имаат закажано Комисијата за здравство и Законодавно-правната комисија кои треба да ги разгледаат Предлог-законот за медицинските студии и континуираното стручно усовршување на докторите на медицина и измените на Законот за здравствено осигурување, двата во скратена постапка.
Продолжението на седницата е закажано во 15 часот со расправа по овие точки од дневниот ред.