Првата средба во историјата меѓу претседателите на Србија и на Косово ќе се случи многу брзо во Брисел, изјави денеска косовскиот претседател Атифете Јахјага.
– Средбата со српскиот претседател Томислав Николиќ ќе биде многу брзо во Брисел и ќе даде значителна поддршка за преговарачкиот процес, кој го водат двете земји, и за реализација на постигнатите договори, нагласи Јахјага.
Претходно, советникот на косовскиот претседател Рамуш Тахири истакна дека средбата на двајцата претседатели е планирана за февруари или почетокот на март.
Прес службата на шефот на српската држава соопшти дека Николиќ не е подготвен за средба со Јахјага, а датумот на разговорите засега не е потврден официјално.