Непознати сторители раскопале гроб стар повеќе од 200 години на муслиманските гробишта во селото Дебреше, Гостиварско. Кој бил мотивот и што е одземено од гробот не е познато.
Од СВР Тетово информираат дека Ќ.А. (43) од гостиварско Дебреше, вчера пријавил дека на муслиманските гробишта во ова село, поточно до еден од старите гробови, е ископана голема дупка. По извршениот увид е утврдено дека до гроб на кој според кажувањето на дебрешани, стар над 200 години, е ископана дупка која навлегувала во долниот дел од гробот. Во дупката се пронајдени лопата и парче облека кои се дадени на вештачење. Ископаната дупка била замаскирана и покриена со стиропор и дрвени штици.
Полицијата работи на расчистување на случајот.
По извесно време ова е прв случај на сквернавење на сакрални објкети. Минатата година во Гостиварско беше регистриран еден случај на скврнавење гроб, но не и прекопување. Во 2011 е прекопан гроб во Лазарополе, но не е утврдено зошто и кои се сторителите.