„Зоран Заев и криминалниот картел кој го води, да запрат со морбидната кампања во случајот со свирепото убиство кај Смилковско езеро.
Заев тврдеше дека ја знае вистината, а сега бега од одговори. Заев пред изборите додека ја манипулираше јанвоста велеше дека се што има ќе објави, сега вели дека нема што да објави.
Криминалниот картел треба да знае дека граѓаните не се со кратка меморија и точно знаат кога некој сака да ги манипулира. Заев ја манипулира јавноста и си поигрува со судбините на петте семејства за политички поени.
Зоран Заев не смее да бега од одговор од јавноста. Тој е должен да одговори чии интереси штити и кого покрива во случајот Монструм?
Фотелјата на Заев не е поважна од правдата, како што ниту неговата коалиција е поважна од прерано згаснатите животи, разрешницата и вистината која ја заслужуваат семејствата на убиените.
Сторителите мора да завршат во затвор, без разлика дали на Зоран Заев тоа му се допаѓа или не. Виновниците мора да се казнат. Република Македонија мора да стане правна држава. Овој криминален картел ја урнисува државата и го девалвира правото“ се вели во соопштението на ВМРО-ДПМНЕ.