Започна рехабилитација на патнииот правец за вештачкото езеро кај Прилеп во должина од 2,6 километри, што е под ингеренција на претпријатието за јавни и државни патишта, во корелација со локалната самоуправа.
Прилепскиот граоначалник Илија Јованоски нагласи дека реконструкцијата ќе се одвива во две фази.
– Инвестицијата е околу 20 милиони денари и по половината, по 10 милиони инвестираат прилепската локална самоуправа и јавното претпријатие за државни патишта. Ова е прва фаза од рехабилитацијата на овок потег, од Прилеп до Вештачкото езеро и се асфалтира овој дел. Втората фаза ќе се прават велосипедски и пешачки патеки. направен е проект кој во наредниот период ќе го реализираме, рече Јованоски.
Втората фаза од рехабилитацијата на овој патен правец ќе започне кон крајот на оваа или почетокот на идната година.