Најмладите жители на Гевгелија, облечени во одела на своите омилени јунаци, преправени во волшебници, кловнови, пчелички, бетмени и разни други имагинации, денеска го одбележаа Денот на шегата со учеството на традиционалната манифесстација „Априлијада 2018“.
Учесници на манифетацијата беа дечињата од трите градинки и двете основни училишта од градот кои пред насобраните граѓани и своите родители се претставија со колективни и индивидуално изработени маски.
Манифестацијата ја проследи и градоначалникот на Гевгелија Сашо Поцков, кој изрази воодушевеност од детската креација на маски и на градинките и основните училишта им подари сетови играчки.
Пионерскиот дом и општина Гевгелија, како организатори и покровители „Априлијадата“ ја одржаа два дена порано затоа што недела, 1 април, е неработен ден за градинките и училиштата во Гевгелија.