НБА на својот официјален сајт денеска ги објави имињата на кошаркарите кои ќе настапат на „Ол стар“ викендот во Хјустон од 15 до 17 февруари.
Според гласовите на публикта, од Западната конференција како стартни пет ќе се појават: Коби Брајант, Двајд Хауард (ЛА Лејкерс), Крис Пол, Блејк Грифин (ЛА Клиперс) и Кевин Дјурант (Оклахома).
Од Истокот доволен број гласови за влез во почетната петорка добија: Леброн Џејмс, Двејн Вејд (Мајами), Кевин Гарнет, Раџон Рондо (Бостон) и Кармело Ентони (Њујорк).
Најголем број гласови доби Брајант (1.591.437), втор е Џејмс (1.583.646), а трет Дјурант (1.504.047).
Рекордер по број на настапи на ноќта на ѕвездите е Карим Абдул Џабар со вкупно 19 учества, додека за Брајант и Гарнет ова ќе биде 15.ти настап, колку што има и Шекил О‘Нил.