Околу Собранието на Република Македонија забележливо е засилено полициско присувство во пресрет на гласањето на Законот за употреба на јазиците.
Позади Собранието присутни се 11 полициски автомобили и едно возило на итната медицинска помош.
Пред Собранието, пак, се одржува протест против носењето на Законот. Демонстрантите ја блокираа улицата пред Собранието и извикуваат „Уа, предавници“.
Претходната седница за донесување на законот за јазици пропадна, бидејќи политичките партии немаа усогласени ставови. На координативните состаноци изминиативе денови не учествуваше опозициската ВМРО-ДПМНЕ. Денешната седница е закажана за 13 часот.
Законот за употреба на јазиците е во трето читање во Собранието, а од ВМРО-ДПМНЕ поднесоа 35.569 амандмани со образложение дека законот е неуставен и треба да се повлече.