Со спектакуларна церемонија пред околу 30 илјади гледачи денеска на Олимпискиот стадион во Пјонгчанг беа отворени 12. Зимски параолимписки игри.
На отворањето продефилираа рекордни 567 спортисти од 48 земји.
Најмногу натпреварувачи има од САД кои во Јужна Кореја допатуваа со 82 спортисти, а на игрите ќе настапат и 30 руски параолимпијци, но како „Неутрални параолимписки спортисти“.
Денеска на свеченото дефиле делегациите на Северна и Јужна Кореја се појавија секоја посебно, за разлика од неодамнешните Олимписки игри кога настапија под едно знаме.
Параолимпијадата ќе трае до 18 март.