Советот на општина Гевгелија годинава финансиски ќе поддржи најголем дел од поднесените проекти и активности од областа на спортот, културата, невладините организации, месни заедници и поединци кои се јавија на распишаните јавни повици за користење средства од општинскиот буџет.
– Од вкупно поднесените 107 проекти од здруженија на граѓани, јавни установи, месни самоуправи, невладини организации и поединци, советниците одлучија финансиски да подржат дури 95 проекти за чија што реализација во општинскиот буџет се предвидени 14,3 милиони денари, велат од општина Гевгелија.
Поради неисполнети услови и критериуми од јавните повици,финансиска подршка не добија само 12 проекти што значи дека се очекува богата 2018 година со активности,пред се од областа на културата и спортот во општина Гевгелија.