„Ќе победиме и наредните избори“, порача пред симпатизерите и гостите на одбележувањето на 22-от роденден на партијата, нејзиниот лидер, Никола Груевски.
Се заблагодари и на подржувачите и на критичарите, бидејќи , рече, тоа ги прави посилни.
„На секој наш член и поддржувач, кој го шири гласот и добрата мисла за нас и верува и го вреднува ова што го работиме, и на секој граѓанин во Македонија, на оние кои споредуваат и гледаат со каква волја и посветеност се работи наспроти она што било пред нас и кои не поздравуваат и поддржуваат, но сакам да се заблагодарам и на оние кои не критикуваат, зашто уште повеќе не мотивираат, да ги исправаме грешките, да учиме од нашите грешки, и со тоа да стануваме уште посилни“, рече Груевски.
Груевски рече дека трнливиот пат кој го измина партијата, покажал дека и во моментите кога се велело дека партијата нема да преживее, се исправале и поаѓале напред.
ВМРО-ДПМНЕ, рече на роденденот, претседателот на партијата е најсилниот политички субјект во Македонија, на кој граѓаните 6 пати по ред му ја даваат својата доверба затоа што го гледаат тоа што го правиме.
На прославата на роденденот присуствува и гости од други политички партии и гости од јавниот живот.