Општина Аеродром денеска беше домаќин на 19 учесници од пет држави, во рамки на реализацијата и спроведувањето на активностите од проектот Еразмус+, насловен „Да ја обоиме иднината“.
Организатор на петтиот состанок во рамки Еразмус+ КА219 проектот е основното училиште „Лазо Ангеловски“, од каде на гостите-партнери од Турција, Романија, Италија, Австрија и Бугарија им ги претставија досегашните реализирани активности.
Целта на овој проект е да се создадат нови подобрени методи во учење на уметноста и да се идентификуваат иновативните пристапи за негова полесна примена во секојдневниот живот.
Проектот се реализира во период од септември 2016 година до август 2018 година, а училиште-координатор е ODTÜ Geliştirme Vakfı Özel İlkokulu од Анкара, Турција.
Општина Аеродром и во иднина ќе продолжи да поттикнува и да поддржува слични проекти, што ќе помогнат за подобрување на образовниот процес и ќе го зголемат самото учество на наставниците и учениците во неговото креирање.