За информација што ќе помогне за пронаоѓање на подморницата АРА Сан Хуан која исчезна на 15 ноември минатата година, аргентинската влада нуди награда од 4,9 милиони долари.
Подморницата со екипаж од 44 членови исчезна, откако претходно тргна од градот Ушуаја на југот во Аргентина.
Наградата ќе биде доделена на лице кое ќе достави информација и добри податоци што ќе овозможат пронаоѓање на точната локација на подморницата.
Спасувачката акција за подморницата беше прекината на 30 ноември, но потрагата се уште трае.