Во просториите на Општина Аеродром вчера се одржа крводарителска акција во соработка со Црвен крст на Република Македонија. Меѓу крводарителите беа градоначалникот на Општина Аеродром, Златко Марин, и дел од вработените во Општината.
„Крводарителската акција беше отворена за јавноста и траеше четири часа. Имаше голема заинтересираност, а крв даруваа вкупно 38 лица. Им благодариме на сите кои дојдоа и даруваа крв под мотото ‘Дарувај крв-спаси живот’“ порачаа од општината.
Поради големата заинтересираност, крводарителската акција преминува во редовна активност на Општината и ќе се одржува двапати годишно.
