Претседателот на Управата за федерални резерви на САД Бен Бернанке ги повика американските законодавци да го зголемат лимитот на долгот на САД, за да се избегне опасноста од катастрофален банкрот.
На настан спонзориран од Универзитетот во Мичиген, Бернанке го спореди Конгресот со семејство, кое смета дека може да го зголеми кредитниот рејтинг ако одлучи да не ги плаќа сметките за кредитната кратичка.
Шефот на Федералните резерви истакна дека укинувањето на ограничувањата за заемите не значи и одобрување на нови државни трошоци.
– Навистина е многу важно Конгресот да ги преземе неопходните активности, за зголемување на ограничувањето на долгот, изјави Бернанке.
Плафонот на долгот на САД треба да биде зголемен над сегашното ниво од 16,4 билиони долари до средината на февруари, со цел да продолжи финансирањето на годишниот дефицит од 1 билион долари, се наведува во соопштение на буџетската служба на Конгресот, јави ДПА.
Републиканците во Конгресот се заканија дека ќе го обврзат секое зголемување на лимитот на долгот со барање за намалување на трошоците.