Педестина граѓани излегоа на протест на кој бараат ослободување на, како што велат, неправедно притворените пратеници и останати граѓани поради упадот во Собранието на 27 април минатата година.
Учесниците на протестот, кои носат знамиња и транспаренти со пораки за ослободување на притворените, бараат и да се престане со разнебитување на Македонија и продавање на името.
Поради протестот сообраќајот во дел од центарот на градот е целосно блокиран, а најмногу метеж има на булеварите и улиците кај ТВ „Рамстор“ и кај „Нова Македонија“. Протестот почна кај Соборниот храм, по што учесниците се упатија кон ЕУ-Инфо центарот.