Четворица Македонци се повредени и сместени во болница во Разлог по сообраќајна несреќа што се случи ноќеска на патот Добриниште-Банско, јави бугарската новинска агенција БГНЕС.
Се работи за тројца 48 годишни мажи и еден на возраст од 41-на година, кои во моментов се наоѓаат надвор од животна опасност.
Извештајот за сообраќајната несреќа беше доставен во 23.50 часот минатата ноќ. Автомобилот со македонски регистерски таблички излетал од патот во областа на храмот „Св. Георги Победоносец “ и се превртел неколку пати. Две амбулантни возила од Банско и Разлог пристигнале на местото на настанот, каде дошла и екипа на противпожарната бригада.
Според информации од истрагата, постои сомневање за употребата на алкохол од страна на возачот, кому му бил земен примерок од крвта.
