Заменик Претседателот на Владата на Република Македонија задолжен за европски прашања, Бујар Османи, денес ќе престојува во еднодневна работна посета на Тирана, каде ќе оствари средби со државниот врв на Република Албанија.
Во рамки на посетата Вицепремиерот Османи ќе оствари одвоени средби со Претседателот на Р. Албанија, Илир Мета, Претседателот на Парламентот на Р. Албанија, Грамоз Ручи, Министерот за Европа и надворешни работи на Р. Албанија, Дитмир Бушати како и со претседателот на Демократската партија на Р. Албанија, Љуљзим Баша.
На средбите ќе се разговара за билатералната соработка, регионалната соработка, проширувањето на Европската унија со земјите од Западен Балкан како и за унапредување на меѓусебните односи на Република Македонија и Република Албанија.
Посетата на Тирана е дел од мини балканската турнеја која Вицепремиерот Османи ја започна со посетата на Атина на почетокот на месецов и ќе продолжи со посета на Белград, а потоа и на Софија.
