МВР во текот на ноќта извршила контрола во угостителски објекти во Тетово и Гостивар при што откриле македонски и странски државјанки кои ги забавуваат гостите.
Полиција извршила контрола во угостителски објект на улица Коле Неделкоски во Тетово, сопственост на Б.М. од Тетово, при што биле затекнати четири странски државјанки и една Македонка како ги забавуваат гостите.
Сите лица биле приведени во полициска станица, а М.Д. (27), Л.А. (30), Ф.Т. (24) и С.Н. (30), сите од Република Албанија, поради злоупотреба на туристичкиот престој, биле задржани во Полициската станица Тетово за понатамошна постапка.
Иста акција била извршена и во угостителски објект во село Равен, гостиварско, сопственост на Ј.А. од Гостивар, каде што биле затекнати две странски државјанки и пет државјанки на Република Македонија како ги забавуваат госите.
Сите лица биле приведени во полициска станица, а В.Д. (21) од Република Албанија и М.Р. (27) од Република Србија, поради злоупотреба на туристичкиот престој, биле задржани во полициска станица за понатамошна постапка.