Вчера во Скопје се случиле шест сообраќајни незгоди во кои четири лица се здобиле со лесни телесни повреди.
Полицијата во текот на вчерашниот ден казнила 12 возачи за брзо возење, а 19 возачи биле исклучени од сообраќај. Тројца од нив управувале возило под дејство на алкохол, 14 возеле без возачка дозвола и двајца бидејќи биле возачи почетници.
Поради техничка неисправност 14 возила се исклучени од сообраќај. Санкционирани се и 10 пешаци кои поминале коловоз надвор од пешачки премин и двајца бидејќи поминале коловоз на црвено светло. Шест возачи се санкционирани бидејќи ја поминале крстосницата на црвено светло, тројца не дале првенство на минување на пешаци и исто толку неправилно престигнувале.
Во текот на изминатиот ден издадени се 103 мандатни платни налози, додека 95 возила се подигнати со “пајак”.