Од денеска жителите на населбата Кисела Вода пазарувањето ќе можат да го вршат на новиот зелен пазар во населбата.
Градоначалникот на Општината, Марјан Ѓорчев и директорот на ЈКП „Комуналец Кисела Вода”, Дојчин Алексовски денеска официјално го пуштија во употреба новиот зелен пазар „Расадник”, кој се наоѓа на улицата „Франк Харкорд Манинг”, спроти паркот „Македонија”.
Пазарот се простира на површина од околу 250 квадратни метри, каде се поставени 40 тезги со настрешници за продажба на земјоделски производи.