Африканската држава Сао Томе и Принципе ја поништи одлуката за признавање на независноста на Косово, јави Танјуг.
Според Коха Диторе, претседателот на државата Мануел Пинто да Коста ја поништил одлуката од претходната коалициска влада од март 2012 година која никогаш не е усвоена во Парламентот.
Според весникот, причина што признавањето не било на гласање во Парламентот на Сао Томе и Принципе биле проблеми кои тогашната влада го имала со парламентарното мнозинство. Јетлир Зуберај, советник на Беџер Пацоли, заменик премиер на Косово, вели дека признавањето останува, а Владата во Косово не коментира за внатрешните случувања во таа држава.