Новогодишната програма на јавната општинска установа Дом на култура „Драги Тозија“ – Ресен, синоќа продолжи со концерт на класична музика што го одржаа уметниците од трио „Интерарт“ од Битола.
На синоќешниот целовечерен концерт публиката проследи дел од нивниот богат репертоар, празнично и предновогодишно адаптиран со дела од познати композитори.
Утревечер во Ресен ќе гостува Народниот театар од Битола чии актери ќе ја изведат комедијата „Пијани“.
Предновогодишната програма во Ресен ја организира ЈОУ Дом на култура „Драги Тозија“ и е под покровителство на општина Ресен.