Јавното комунално претпријатие „Комуналец “ – Кичево спроведува акција за чистење на коритото на градската река, повеќе од половина од коритото на реката е исчистено и во наредните неколку дена се очекува овој зафат целосно да биде завршен.
– Неполна седмица екипи од нашето комунално претпријатие се вклучени во чистење на коритото на река Сушица. Чистењето се спроведува по целата негова должина и во наредните неколку дена очекуваме целосно да биде завршен овој зафат, втор во текот на оваа година, откако и во текот на пролетта еднаш веќе беше исчистено коритото на градската река, изјави Зенел Јонузи, директор на „Комуналец“.