Вчера се одржа основачкиот состанок на Друштвото за македонско – шведско пријателство и соработка.
На собранието се избраа органите и телата на друштвото, a се утврди и статутот како и програмата за работа. За претседател на друштвото беше избран Тихомир Илиевски, поранешен амбасадор на Македонија во кралството Шведска, a за секретар на друштвото е избран Тоше Зафиров.
Како гости н а основачкото собрание присуствуваа и министерот за финанси и, Драган Тевдовски како и Едмонд Адеми , министер без ресор во Владата на Република Македонија задолжен за дијаспора кои ја поздравија оваа иницијатива и изразија поддршка.
Друштвото е граѓанска организација, која со својата работа ќе ја поддржува македонско-шведската културна, академска, научна и спортска соработка, а негови членови се голем број на угледни граѓани кои развиваат интензивна соработка со организации и инстутуции од Кралството Шведска.
Дел од Друштвото за македонско – шведско пријателство и соработка се и режисерот Милчо Манчевски како и познатиот фудбалер Артим Шаќири.
Како предлог конкретни активности на друштвото во во периодот јануари – јуни 2018 година беа утврдени:
• Презентација на фил мскиот опус на режисерот Милчо Манчевски во Шведска;
• Кружоци на учење и предавања на различни општествени теми;
• Ден на шведско – македонска кујна.