Денеска по 12-часовна дебата Конгресот на Аргинтина со 128 гласа „За“, наспроти 116 гласа „Против“ ја одобри реформата во пензискиот систем, поради која се организираа протести и генерален штрајк.
Со новиот закон се менува формулата со која се пресметуваат исплатите на пензија. Овој закон е дел од серијата мерки на Владата на претседателот Маурицио Макри за да се намали високиот дефицит и да се привлечат инвестиции.
Според критичарите на новиот закон, со него ќе дојде до намалување на пензиите.
На протестите пред Парламентот против новиот закон околу 150 демонстранти беа повредени, а 60 уапсени по судирите меѓу полицијата и демонстрантите. Некои од нив фрлаа камења и молотови коктели, а полицијата одговорија со солзавец и гумени куршуми.
Дваесет и четири часовен штрајк објави и најголемиот синдикат во Аргентина. што доведе до откажување или одложување на стотици летови.