Најавената изградба на регионален стационар за бездомни животни во Гевгелија, како дел од предлог проектната листа за рурален развој на Југоисточниот плански регион, претставува најсоодветно решение за проблемот со кучињата скитници, велат претставници на општината.
Тие посочуваат дека токму враќањето на улица по извршеното вакцинирање на заловените кучиња, што е законска обврска доколку не се вдомат, сега претставува голем проблем кој очекуваат ефикасно да се реши токму со најавената изградба на регионалниот стационар за бездомни кучиња во Гевгелија.