Филмот „Трето полувреме“ на режисерот Дарко Митревски беше прикажан на филмскиот фестивал Палм Спрингс во САД на 6-ти и 7 јануари со распродадени проекции, соопшти продукцијата „Кино око“.
Филмот ќе биде прикажан и утре на 24. „Палм Спрингс”, кој се одржува од 3-ти до 14 јануари. Меѓу гостите на годинашното издание се Ричард Гир, Дајан Лејн, Наоми Вотс, Бен Афлек и Хелен Мирен.
„Трето полувреме” се уште се прикажува во кината низ Македонија. Досега го виделе 80.000 гледачи.
