Денеска во Скопје се одржа Форум за човековите права на маргинализираните групи на кој што учесниците кажаа дека состојбата во Македонија не е совршена, но таква е и во другите земји. Тие сметаат дека за подобрување се потребни и поголеми финансиски средства, но и поголема свесност, добра волја и ангажираност на сите кои се занимаваат со ова прашање.
– Тоа е прашање на кое треба постојано да се работи. Секогаш има нешто што сите ние може да направиме не само да ја подобриме правната рамка, туку да ги подобриме нашите и животите на другите луѓе чекор по чекор, рече Петруш Тоинес Меѓународен лидер на програмата Цивика мобилитас.
Спроед него овој форум е можност за да се види какви се состојбите, што може да се направи и како заедно да се оди напред.
Маргарита Цаца Николовска, претседателката на Институтот за човекови права вели дека состојбата со кршењето на правата на маргинализираните групи во Македонија е најтешка бидејќи правата им се кршат по неколку основи.
Подигнување на свесноста за дискриминација или кршење на правата е потребна за подобрување на состојбата, според неа, а во псравувањето да се вклучат и да соработуваат институциите и граѓанските организации.