Дејан Блажески, поранешен советник во Охрид, член на ЦО на ЛДП, поранешен претседател на ОО ЛДП Охрид поднесе оставка на сите политички функции во ЛДП. Причините поради коректност кон ЛДП не сака да ги образложи.
Еве што стои во дописот на Блажески до јавноста
Почитувани дами и господа,
Почитувани поддржувачи,
Би сакал да ја информирам јавноста дека денес поднесов оставка од сите мои политички функции во Либерално демократската паритја.
Сметам дека дадов свој придонес во ЛДП, а оставката ја поднесувам од лични и професионални причини, кои заради коректност кон партијата нема да ги образложам.
Изминатите седум години ја имав честа и обврската да бидам дел од ЛДП. Денес, заврши овој долгогодишен пат полн со предизвици, искачувања и падови. Продолжувам онаму каде што ќе можам да дадам најголем придонес и каде што мојот потенцијал ќе биде пресуден за следните професионални ангажмани.