Техеран забрани прелет преку иранска територија за авионот на бугарската Влада, во кој се наоѓаше делегацијата предводена од премиерот Бојко Борисов на пат кон Саудиска Арабија, изјави денеска министерката за надворешни работи на Бугарија, Екатерина Захариева.
Таа посочи дека авионот требало да прелета над Иран синоќа, но кога леталото влегло во иранскиот воздушен простор, иранските власти побарале пренасочување на авионот.
– Авионот мораше да се врати во Турција откако поради ускратување на дозволата во последен момент, посочи Захариева додавајќи оти леталото морало да побара дозвола за влез во ирачкиот воздушен простор за да стигне на крајната дестинација.