Дописникот на „Ал Џезира Балканс“ повикувајќи се на извори во Стејт департментот тврди дека Хојт Брајан Ји, заменик-помошникот државен секретар за Европа и Евроазија, ќе биде нов амбасадор на САД во Македонија.
Тој би го заменил актуелниот амбасадор Џес Бејли, кој е амбасадор во Македонија од декември 2014 година.
Ји е искусен кариерен дипломат и добар познавач на Балканот, а кариерата ја почнал во деведесетите години заедно со Ричард Холбрук.
Засега нема официјална потврда за евентуалното назначување на Ји, а неговото испраќање во Македонија се оценува како потврда за зголемениот ангажман на Вашингтон на Балканот, поради обидите на Москва за наметнување на своето влијание.
