Изминатава 2012 беше година на сериозен тест на верскиот соживот во Македонија, вели претседателката на комисијата за односи со верските заедници, Валентина Божиновска во интервју за прес24.
Сепак според неа меѓуверскиот соживот е солиден, цврст, коректен и стабилен и гледа во иднина причини за какви било меѓуверски тензии во РМ.
Присуството на радикалните религиски структури е евидентно во Македонија, но вели Божиновска засега нема опасност од радиклизација. Сепак стравува од можноста политиката да испровоцира радикализација на верските чувства.
„Секогаш ќе има искри околу радикалните структури, но опасно е како она што сега се случуваше од страна на опозициската партија СДСМ која сакаше да го преземе Собранието по пат на сила и повика на улични нереди. Стравувам дека еден ден може да им падне на ум да изманипулираат и некој верски конфликт, што би било опасно за сите“, вели Валентина Божиновска
Смета дека Комисијата која ја раководи или треба да прерасне во Министерство, што е впрочем и препорака на ревизорот, или пак да се врати во рамките на Собранието.
За ПОА вели дека повеќе не егзистира свесни се дека имаат и внатрешен раскол, уште повеќе за тоа, вели Божиновска е свесна и Српската православна црква која сега, ни ваму, ни таму, знае дека проектот Вранишковски не успеа.