Вчера во Гостивар, патничко возило „Фиат темпра“ со гостиварски ознаки управувано од Б.Ќ. (66) удрило во велосипедист А.Р. (73) од село Чајле, гостиварско.
По несреќата, велосипедистот со такси возило бил пренесен во медицинскиот центар во Гостивар, каде што му биле констатирани лесни телесни повреди, но бил задржан на понатамошно испитување бидејќи не се чувствувал добро.
По кратко време, тој бил пренесен во Клиничкиот центар во Скопје, каде што утрово починал.
Увид на местото на настанот извршила екипа од Полициската станица Гостивар. По наредба на Јавен обвинител над телото на починатиот ќе биде извршена обдукција.