Министри на земјите од јужниот и северниот дел на Медитеранот денеска во Швајцарија ќе одржат состанок на кој што ќе се дискутира за заштитата на мигрантите на патот од Северна Африка до Италија.
Околу 17 илјади мигранти се чуваат во нехумани услови во кампови во Либија, според проценките на Агенцијата за бегалци на ОН, а илјадници други се во затвор.
– УНХЦР е со план за проширување на програми помогнати од ЕУ за мигранти од Либија до соседот Нигер, изјави за ДПА висок претставник организацијата на ОН пред почетокот на состанокот во Берн.
На состанокот во Швајцарија поканети се претставници на ОН, Црвен крст и ЕУ како и министри од Алжир, Австрија, Чад, Египет, Франција, Германија, Италија, Либија, Мали, Нигер, Малта, Слованија и Тунис.