Јапонска фирма на непушачите им даде шест дена одмор, за да го надоместат времето кое пушачите го користат за пауза.
Маркетиншката компанијата „Пиал“ одлучила да ги награди своите вработени кои не пушат со дополнителни шест дена одмор, откако тие се пожалиле дека работат повеќе од своите колеги пушачи.
Директорот на компанијата Такао Асука изрази надеж дека оваа мерка ќе ги поттикне вработените да престанат со оваа нездрава навика.
Светската здравствена организација ја рангираше Јапонија на дното на листата, кога станува збор за прописите против пушење. Според одредени податоци, 18 проценти од Јапонците се пушачи.