Се уште е рано за повлекување на Атифете Јахјага, бидејќи не се исполнети условите од договорот на тројцата политички лидери врз основа на кој таа е избрана за претседател на Косово, изјави американската амбасадорка во Приштина Трејси Џејкобсон.
Во интервју за весникот „Косова сот“, Џејкобсон рече дека според договорот на лидерите на ДПК, ДСК и АНК, повлекувањето на Јахјага е предвидео по завршувањето на уставната изборна реформа.
– Ако сакаме да зборуваме за постигнат политички договор, како што јас тоа го разбирам, идејата беше претседателката да се повлече откако ќе биде завршена изборната и уставната реформа, која овозможува непосреден избор за претседател, рече амбасадорката на САД.