Сообраќајот на сите магистрални и регионални патни правци низ државата се одвива тековно во зимски услови по местимично влажни коловози. Намалена видливост поради магла има на повеќе места и тоа на Страцин-50 метри, Гостивар-10 метри, Охрид-100 метри, Кичево-10 метри, Македонски Брод- 50 метри и Кула – 50 метри.
Како што соопшти АМСМ, по клисурите и усеците можна е појава на поситни одрони, посебно на патните правци Маврово-Дебар-Струга, Удово-Демир Капија и Катланово-Велес.
Дежурните екипи на ЈП „Македонија пат“ се на терен, редовно ги контролираат и одржуваат проодни сите патни правци.