СДСМ со писмено соопштение реагира на соопштението на ВМРО-ДПМНЕ.
„Очигледно е дека ВМРО-ДПМНЕ не знае и не може да функционира во фер и регуларен изборен процес, па затоа не може да престане со ширење лажни вести. Времето на злоупотреба на државните ресурси, партизацијата на институциите и нивно претворање во ВМРО-МВРО заврши со заминувањето на Никола Груевски во опозиција. Денес, државните институции работат слободно, професионално и се посветени на спроведувањето на фер, демократски и слободни избори.
Владата предводена од СДСМ, премиерот, министрите во владата и сите останати државни функционери не користат државни ресурси за изборната кампања.
Залудни се празните обвинувања од ВМРО-ДПМНЕ, институциите ќе овозможат фер, слободни и демократски избори на кои граѓаните ќе стават крај на криминалното, неспособното расипничко владеење на ВМРО-ДПМНЕ“ се вели во реакцијата на СДСМ.
